ໃນຕອນແລງ ວັນທີ 9 ກຸມພາ 2022, ທ່ານ ປອ. ຄຳແພງ ໄຊສົມແພງ, ກຳມະການສູນກາງພັກ, ລັດຖະມົນຕີ ກະຊວງອຸດສາຫະກຳ ແລະ ການຄ້າ ພ້ອມດ້ວຍຄະນະ ໄດ້ລົງຢ້ຽມຢາມ ແລະ ຊຸກຍູ້ການຜະລິດຂອງ ໂຮງງານຜະລິດຊີມັງຄອນຈ໌ ຫຼວງພະບາງ, ຕັ້ງຢູ່ເຂດບ້ານຜາແດງ ແລະ ຜາວຽງ, ນະຄອນຫຼວງພະບາງ, ແຂວງຫຼວງພະບາງ ຊຶ່ງໄດ້ຮັບການຕ້ອນຮັບໂດຍ ຜູ້ຈັດການໂຮງງານ ແລະ ທ່ານ ບຸນສົມ ຄູນມະນີ, ຫົວໜ້າພະແນກອຸດສາຫະກໍາ ແລະ ການຄ້າແຂວງຫຼວງພະບາງ. ໂຮງງານຜະລິດຊີມັງຄອນຈ໌ ຫຼວງພະບາງ ມີທຶນຈົດທະບຽນ 23 ລ້ານໂດລາສະຫະລັດ ຊຶ່ງເປັນການລົງທຶນຕ່າງປະເທດຈາກຈີນ ຖືຮຸ້ນ 84% ແລະ ບໍລິສັດ ກຣິດຕະພົງກຣຸບ ຈໍາກັດ ຖືຮຸ້ນ 16%. ໂຮງງານດັ່ງກ່າວ ດໍາເນີນກິດຈະການຜະລິດຊີມັງ ເພື່ອຈໍາໜ່າຍພາຍໃນ ລວມທັງໂຄງການຕ່າງໆ ແລະ ສົ່ງອອກຕ່າງປະເທດ. ກໍາລັງການຜະລິດເຕັມ ຂອງໂຮງງານແມ່ນ 2.500 ໂຕນ/ມື້, ມີພະນັກງານກຳມະກອນທັງໝົດ 440 ຄົນ.
ແຫລ່ງຂ່າວ: ຫ້ອງການກະຊວງ ອຄ
ຮຽບຮຽງໂດຍ: ນ ຖື ແຫວນວົງສົດ ສູນສະຖິຕິ ແລະ ຂໍ້ມູນຂ່າວສານ ກຜຮ
