ເກີດເຫດໄຟໄໝ້ ຫ້ອງການອຸດສາຫະກໍາ ແລະ ການຄ້າເມືອງລ້ອງຊານ ແຂວງໄຊສົມບູນ
ໃນວັນທີ 30 ມີນາ 2022, ຄະນະຫ້ອງການກະຊວງ ອຄ ຮ່ວມກັບກົມກວດກາ, ກົມອຸດສາຫະກໍາ ແລະ ຫັດຖະກໍາ, ກົມ SME ແລະ ກົມຈັດຕັ້ງ ແລະ ພະນັກງານ ຂອງກະຊວງອຸດສາຫະກໍາ ແລະ ການຄ້າ ໄດ້ຕາງໜ້າຄະນະພັກ, ຄະນະນຳກະຊວງ ອຄ ລົງໄປຕິດຕາມສະພາບໄຟໄໝ້ ຫ້ອງການອຸດສາຫະກຳ ແລະ ການຄ້າ ເມືອງລ້ອງຊານ, ແຂວງໄຊສົມບູນ; ພ້ອມນີ້ ທາງຄະນະກໍໄດ້ນຳເອົາປັດໄຈ ເປັນເງິນ ຈຳນວນ 15 ລ້ານກີບ, ຄອມພິວເຕີ້ຕັ້ງໂຕະ 3 ໜ່ວຍ ແລະ ປຣິນເຕີ້ 1 ໜ່ວຍ ມອບຊ່ວຍເບື້ອງຕົ້ນໃຫ້ແກ່ ຫ້ອງການ ອຄ ເມືອງດັ່ງກ່າວ ແລະ ທາງຫ້ອງການກະຊວງ ກໍໄດ້ອອກແຈ້ງການເຖິງບັນດາກົມ, ຫ້ອງການ, ສະຖາບັນຄົ້ນຄວ້າອຸດສາຫະກໍາ ແລະ ການຄ້າ ແລະ ວິສາຫະກິດທີ່ຂຶ້ນກັບກະຊວງ ຊ່ວຍສົມທົບປັດໄຈ ໄປຊ່ວຍເຫດອັກຄີໄພດັ່ງກ່າວ.
ແຫລ່ງຂ່າວ: ຫ້ອງການ ກະຊວງ ອຄ
ຮຽບຮຽງໂດຍ: ນ ຖື ແຫວນວົງສົດ ສູນສະຖິຕິ ແລະ ຂໍ້ມູນຂ່າວສານ ກຜຮ
