ພະແນກອຸດສາຫະກໍາ ແລະ ການຄ້າ ແຂວງອຸດົມໄຊ, ໄດ້ຈັດພິທີ ປະຖະກະຖາ ຫວນຄືນມູນເຊື້ອ  3 ວັນປະຫວັດສາດ ຂອງ ແຂວງ ຂຶ້ນ ໃນວັນທີ 9 ມິຖຸນາ ທີ່ຫ້ອງປະຊຸມ ຂອງພະແນກຕົນ ຊຶ່ງເປັນກຽດຂຶ້ນປະຖະກະຖາຄັ້ງນີ້ ນຳໂດຍທ່ານ ສອນທະນູ ສິງດາລາ ເລຂາໜ່ວຍພັກ, ຫົວໜ້າພະແນກອຸດສາຫະກຳ ແລະ ການຄ້າ; ເຂົ້າຮ່ວມຮັບຟັງມີຄະນະໜ່ວຍພັກ, ສະມາຊິກພັກ ແລະ ບັນດາສະຫາຍສະມາຊິກ ອົງການຈັດຕັ້ງມະຫາຊົນ ພາຍໃນພະແນກອຸດສາຫະກຳ ແລະ ການຄ້າ.

      ການປາຖະກະຖາຄັ້ງນີ້ແມ່ນໄດ້ນໍາເອົາບັນດາເອກະສານ ກ່ຽວກັບຂະບວນການພັດທະນາສ້າງສາແຂວງອຸດົມໄຊແຕ່ລະໄລຍະ ແລະ ເອກະສານຫວນຄືນມິດຕະພາບສາຍພົວພັນອັນດີງາມໃນການຮ່ວມມືຂອງສອງຊາດ ລາວ-ຫວຽດນາມ ເປັນຕົ້ນແມ່ນ: ເອກະສານວັນສ້າງຕັ້ງແຂວງອູດົມໄຊຄົບຮອບ 60 ປີ, ວັນສ້າງຕັ້ງສາຍພົວພັນ ລາວ-ຫວຽດນາມ ຄົບຮອບ 60 ປີ, ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມ ຄົບຮອບ 45 ປີ.

     ໃນໂອກາດດຽວກັນນີ້ ຄະນະພັກ-ຄະນະພະແນກ ກໍ່ໄດ້ຂຶ້ນຜ່ານເອກະສານວັນສ້າງຕັ້ງກໍາລັງປ້ອງກັນຄວາມສະຫງົບແຂວງອຸດົມໄຊ ຄົບຮອບ 60 ປີ, ຜ່ານແຜນເຄື່ອນໄຫວວຽກງານກວດກາລັດ  ແລະ ການຈັດຕັ້ງປະຕິບັດວາລະແຫ່ງຊາດ ເພື່ອແກ້ໄຂຄວາມຫຍຸ້ງຍາກທາງດ້ານເສດຖະກິດ ແລະ ການເງິນ ທີ່ຕິດພັນກັບແຜນພັດທະນາຂະແໜງອຸດສາຫະກໍາ ແລະ ການຄ້າ.

ພາບ-ຂ່າວໂດຍ: ໄລພອນ ແກ້ວມະນີວອນ ພະແນກ ອຄ ແຂວງອຸດົມໄຊ

ຮຽບຮຽງໂດຍ: ນ ຖື ແຫວນວົງສົດ ສູນສະຖິຕິ ແລະ ຂໍ້ມູນຂ່າວສານ ກຜຮ